Monday, 23 September 2019

राजस्थानी साहित सम्मान समाचार

पहाड़िया व स्वामी ने कोलकाता में मिलेला साहित सम्मान

नागौर. अखिल भारतवर्षीय मारवाड़ी सम्मेलन रौ राजस्थानी 
बाल साहित्य पुरस्कार नागौर जिले रै डेह गांव रा साहितकार
 पवन पहाड़िया ने उणा रै राजस्थानी बाल साहित रै सनमान
 सारू दियो जावैला। सम्मेलन री राजस्थानी भाषा पुरस्कार
 चयन समिति रा अध्यक्ष रतन शाह री अध्यक्षता में
 कोलकाता में लारलै दिनां हुई बैठक में इण सारू हामळ भरी।
 सम्मेलन रा फरवरी 2020 में कोलकाता में हुवण वाळा
 कार्यक्रम में उणांने पुरस्कार दियो जावेला। पुरस्कार
 में 21 हजार रुपया शॉल श्रीफल अर स्मृति चिन्ह दियो 
जावेला।
समिति रौ एक दूजा सनमान सीताराम रूंगटा राजस्थानी
 भाषा साहित्य सम्मान सूं श्री डूंगरगढ़ निवासी राजस्थानी
 साहित्यकार चेतन स्वामी ने सन्मानित करयो जावेला।
 पहाड़िया ने केदारनाथ भागीरथी देवी कानोडिया राजस्थानी
 भाषा बाल साहित्य सम्मान दियो जावेला। बैठक में 
सम्मेलन रा राष्ट्रीय अध्यक्ष संतोष सरार्फ,पूर्व राष्ट्रीय 
अध्यक्ष सीताराम शर्मा,नन्दलाल रूंगटा, संयोजक 
संजय हरलालका, राष्ट्रीय महामंत्री श्रीगोपाल झुनझुनवाला,
आत्माराम सौन्थलिया, शिवकुमार लोहिया, गोपाल अग्रवाल
 शामिल हा। जाणन जोग बात आ है क पवन पहाड़िया लिखारां
 री राजस्थानी भासा री पोथ्यां रै प्रकाशन अर विमोचन रै सागे
 ही राजस्थानी भासा रा 16 पुरस्कार देवे। डेह गांव रा नेम प्रकाशन
 अर राजस्थानी भाषा प्रसार संस्थान रै कांनी सूं फरवरी में
 राजस्थानी साहित्य सम्मान में पुरस्कार देवे।


No comments:

Post a comment