Wednesday, 21 August 2019

राजस्थानी साहित्‍य समाचार

डेह नागौर में सम्मानित हुवेला राजस्थानी भासा रा सोळह साहितकार

राजस्‍थानी भाषा री केई विधावां में मिलेला पुरस्‍कार
नागौर. नेम प्रकासण डेह जिला नागौर राजस्थान रै
 कांनी सूं राजस्‍थानी भासा री न्यारी-न्यारी विधावां
सारू इण सातवां बरस  2019-20 रा सोळह राजस्थानी
 साहितकारां ने सम्मानित करया जावेला। पुरस्कारां मांय
चयनित साहितकारां ने 11-11 हजार रिपिया साफो , शॉल ,
श्रीफल , माळा, प्रशस्‍ति पत्र ग्‍यारहा हजार रिपिया अर
 राजस्‍थानी साहित्‍य सूं सम्‍मानित करया जावेला।
नेम प्रकासन साहित प्रेमी भामाशाह रै कांनी सूं च्यार
 नूंवां पुरस्‍कार सम्‍मान इण साल सरू करण री घोषणा
 रै पछे इण साल सूं राजस्थानी भासा री सोळह विधावां
मांय सम्मान देवणियो नेम प्रकासन देस रौ एकलो
संस्थान हुयग्यौ।
संस्थान रा पवन पहाड़िया बताया क इण पुरस्कारां
 में नेमीचन्‍द पहाडिया पद्य पुरस्‍कार, अमराव देवी
 पहाडिया गद्य पुरस्‍कार्, कमला देवी पहाडि़या
 उपन्‍यास पुरस्‍कार , सिरदाराराम मौर्य बाल साहित्‍य
पुरस्‍कार ,भंवरलाल सबलावत व्‍यग्‍ंय पुरस्‍कार ,
मोहनदान गाड़ण राजस्‍थानी भक्ति काव्य पुरस्कार,
साेहनदान सिंहढायच राजस्‍थानी डिंगल परम्परा पुरस्‍कार,
जुगलकिशोर जेथलिया राजस्‍थानी भाषा सेवा पुरस्कार,
छगन लाल बेताला स्मृति राजस्थानी युवा पुरस्कार,
श्रीमती मैना देवी पांडया स्मृति राजस्थानी लेखिका पुरस्कार,
पारसमल पांडया स्मृति राजस्थानी साहित्य पुरस्कार,
चंडीदान देवकरणोत अखावत स्मृति राजस्थानी
 अनुवाद पुरस्कार, अमितसिंह चौहान स्मृति राजस्थानी
 बाल साहित्य पद्य पुरस्कार, पारस देवी बेताला स्मृति
राजस्थानी कहाणी पुरस्कार, गोपाल सिंह उदावत स्मृति
 राजस्थानी वय वंदन पुरस्कार, सज्जन सिंह उदावत
 राजस्थानी नाटक पुरस्कार दिया जावैला।
पुरस्कारां री निर्णायक कमेटी रा संयोजक लक्ष्‍मणदान
 कविया बताया क गांव डेह रा कुंजल माता मंदिर परिसर
 मांय अदितवार 23 फरवरी 2020 ने हुवण वाळा
राजस्थानी साहित्य सम्मान समारोह मांय सम्मान
 दिया जावैला। इण समारोह मांय राजस्थानी
भासा री दस सूं बेसी पोथ्यां रौ विमोचन करयौ जावैला।


No comments:

Post a comment