Wednesday, 3 July 2019

राजस्थानी समाचार

प्रो.  डॉ.गज्जा दान चारण ने मिलेला महाकवि कन्हैयालाल सेठिया मायड़ भासा सम्मान

श्री छोटी खाटू हिंदी पुस्तकालय कानी सूं 'महाकवि कन्हैयालाल सेठिया मायड़भाषा सम्मान' डीडवाना रा प्रो. डॉ. गज्जा दान चारण ने  9 जुलाई 2019 दोपारां 4 बजयां छोटी खाटू में दियो जावेला।
मायड़ भाषा राजस्थानी रै साहित भंडार में श्रीवृद्धि करण रै आधार बणा'र दिरीजण वाळो ओ सम्मान इण दीठ सूं भी खास है क ओ सम्मान अब ताणी राजस्थानी रा जिका लिखारां नै मिल्या है, वै मायड़ भासा रा आदर्श रहया। ओ  सम्मान राजस्थानी रा डॉ. शक्तिदान जी कविया, डॉ. किरणचंद जी नाहटा, ओम पुरोहित कागद, लक्ष्मणदान जी कविया, बीएल माली अशांत जेड़ा रचनाकारां नै  मिल्यो है। 
पुस्तकालय रा कोलकाता निवासी महावीर बजाज बताया क समारोह री अध्यक्षता लालजी टंडन महामहिम राज्यपाल बिहार करैला। जळसै रा खास पावणा पश्चिम बंगाल कोलकाता रा ख्यात राष्ट्रवादी साहित्यकार डॉ. प्रेमशंकर  त्रिपाठी होवैला। इण मौके पंडित दीनदयाल उपाध्याय साहित्य सम्मान पांचजन्य रा पूर्व सम्पादक वरिष्ठ पत्रकार अर लेखक प्रोफेसर बलदेव भाई शर्मा नै दियो जावैला।



No comments:

Post a comment