Saturday, 26 January 2019

राजस्थानी भाषा साहित्य सम्मान

राजस्थानी भाषा रा तेरह साहित्यकारां रो सम्मान हूवेला डेह में 3 नें
पांच राजस्थानी पोथ्यां रो विमोचन ई कर्यो जावेला
नेम प्रकासण डेह अर अखिल भारतीय राजस्थानी भाषा मान्यता संघर्ष समिति रै भेलप मांय मायड़ भाषा राजस्थानी पुरस्कार उच्छब 2018
डेह गांव रै कुंजल माता मिंदर परिसर में तीन फरवरी अदीतवार दिनूगै साढे दस बज्यां सूं होवेला । आयोजक पवन पहाड़िया बतायो क -राजस्थानी कथाकार मनोहरसिंह राठौड़ रा बडेरचारा में हूवण वाळा उच्छब रा पाटवी साहितकार डाॅ॰सी॰पी॰देवल अर खास पावणा साहितकार मालचंद तिवाड़ी हूवेला। उच्छब रा मूंघा मिजवान पृथ्वीराज रतनू पूर्व सचिव रा॰ भाषा सा॰ एवं संस्कृति अकादमी बीकानेर अरूणप्रकाश गुप्ता पूर्व प्रांतपाल अर संयोजक रोटरी क्लब बीकानेर ,रोटे मनमोहन कल्याणी रोटरी क्लब बीकानेर , गणेष शर्मा मुख्य प्रबंधक रोडवेज नागौर आगार ,रूदे्रष शर्मा    संपादक रा॰पत्रिका नागौर , प्रेम राही ब्यूरो चीफ दैनिक नवज्योति नागौर ,पवन तिवाड़ी संपादक दैनिक भास्कर नागौर , सुमनकंवर उदावत सरपंच आदर्श ग्राम पंचायत डेह ,सन्तोष दन्तुसलिया पंचायत समिति सदस्य डेह  ,सरोज चैधरी सरपंच ग्राम पंचायत सुरपालिया हूवैला । संचालन डाॅ गजादान चारण करेला ।
संयोजक लक्ष्मणदान कविया बतायौ क इण उच्छब में राजस्थानी री तेरहा विधावां में साहित्य सम्मान दियो जावेला जिणरी विगत इण भांत है - मोनिका गौड़ (बीकानेर) री पोथी अंधारे री उधारी अर रिसाणो चांद नें नेमीचन्द पहाड़िया पद्य पुरस्कार कैलाशदान लाळस (जोधपुर) री   शकाळजयी नें अमराव देवी पहाड़िया गद्य पुरस्कार , शंकरसिंह राजपुरोहित (बीकानेर) री म्रित्युरासो नें भंवरलाल सबलावत व्यंगय पुरस्कार ,चांदकौर जोशी (जोधपुर) री सेवट ने चम्पा देवी सबलावत कहाणी पुरस्कार , पूर्ण शर्मा पूरण (रामगढ़ हनुमानगढ़) री होम  ने कमला देवी पहाड़िया उपन्यास पुरस्कार , ताऊ शेखावटी (सवाई माधोपुर) री  हेली सतक सतसई ने मोहनदान गाडण राजस्थानी भक्ति काव्य पुरस्कार , कविराज भंवरदान माडवा मधुकर (जैसलमेर) री हिन्द रा हीरा  ने सोहनदान सिंहढायच राजस्थानी डिगल परम्परा पुरस्कार , राजेश अरोड़ा (गजसिंहपुर श्री गंगानगर) री स्टूडेट आॅफ द ईयर नें सिरदाराराम मौर्य बाल साहित्य पुरस्कार , जुगल परिहार (जोधपुर) नें  मायड़ भासा राजस्थानी री लगोलग सेवा सारू जुगलकिशोर जेथलिया राजस्थानी भाषा सेवा पुरस्कार , उम्मेद धानिया (राजपुरा चुरू) री  लेबल  ने छगन लाल बेताला स्मृृति राजसथानी युवा पुरस्कार , रीना मैनारिया (उदयपुर) री पोतीवाड़  नें श्रीमती मैना देवी पांडया स्मृृति राजस्थानी लेखिका पुरस्कार ,डाॅ नीरज दईया (बीकानेर) री पाछो कुण आसी  नें पारसमल पांडया स्मृृति राजस्थानी साहित्य पुरस्कार अर मुहम्मद कुरैशी निर्मल (ब्यावर) री  राजस्थानी गीता मानस नें चंडीदान देवकरणोत अखावत स्मृृति राजस्थानी अनुवाद पुरस्कार दिया जावैला।
इण टाणै राजस्थानी री पांच पोथ्यां रो विमोचन ई कर्यो जावेला ।


No comments:

Post a comment