Monday, 14 January 2019

राजस्थानी ने मानता री करो आप रा विधायक सूं मांग

राजस्थानी ने मानता री करो आप रा विधायक सूं मांग
नागौर
राजस्थान विधानसभा रा विधायक 15 जनवरी मंगलवार ने शपथ लेवेला। राजस्थान री मायड़ भासा राजस्थानी है। आप रा मानिता विधायक जी सूं  राजस्थानी में शपथ लेवण री मांग करो सा। आज सूं 15 बरस पेलां राजस्थान विधानसभा में 2003 में राजस्थानी भासा ने भारतीय संविधान की आठवीं अनुसूची में सामल कर संवैधानिक मान्यता सारू सर्वसम्मत संकल्प पारित करयो हो। जय जय राजस्थानी.
==========================================
मायड़ भासा राजस्थानी सारू 3 फरवरी नै जैपर में बैठक

मायड़ भासा राजस्थानी सारू 3 फरवरी 2019 नै जैपर में बैठक तेवड़ीजी है।इण मांय आंदोलन सूं जुड़्या हरेक हेताळवां भासा री मानता सारू काळजै में बळत राखता नूंवै सिरै सूं काम सरू करसी।
आपां सगळा जणा राजस्थानी भासा रै नांव पर अेक हो सकां तो बात बणसी,आपां नै आपणो हक मिलसी,पाग ऊंची होसी नी तो आपणो करेड़ो काम धूड़ में ई मिलसी। केरल, असम, मणिपुर, पंजाब, गुजरात, महाराष्ट्र... आद दूजां परदेसां रै लोगां रै बरोबर राजस्थानी ई खड़ा हुय सकै इण सारू पधारो सा। बैठक  3 फरवरी 2019 अदीतवार सुबह 11 बज्यां राजस्थानी भवन फाउंडेशन -113 प्रेम नगर गेटोर जगतपुरा, मालवीय नगर जैपर राजस्थान में हुसी। आ ठौड़ है नंदपुरी सूं जगतपुरा रेलवे पटरी रै नजदीक पीपळ रै दरख्त सूं दूजी गळी में। जगतपुरा रेलवे स्टेशन सूं पैलां। बस स्टैंड सूं 8 अर 32 नंबर सिटी बस चालै।
अरजवंत, आपां सगळा राजस्थानी...जय जय राजस्थानी।
------------------------------------------------------------
मकर संक्रांति री हिवड़े तणी बधाई अर सुभकामनावां

तिल रा लाडू खाओ हेत बधाओ, परम्परा निभाओ,सरीर स्वस्थ बणाओ मकर संक्रांति री बधाई सुभकामनावां 
राजस्थानी सौरम...

No comments:

Post a comment