Monday, 8 October 2018

राजस्थानी समाचार

डेह नागौर में सम्मानित हुवेला राजस्थानी भासा रा तेरह साहित्यकार
राजस्‍थानी भाषा री विविध विधावां में मिलेला पुरस्‍कार
नागौर
नेम प्रकासण डेह जिला नागौर राजस्थान रै कांनी सूं राजस्‍थानी भासा री न्यारी-न्यारी विधावां सारू इण बरस 2018-19 में तेरह राजस्थानी साहितकारां ने सम्मानित करया जावेला। पुरस्कारां मांय चयनित साहितकारां ने 11-11 हजार रिपिया साफो , शॉल , श्रीफल , माळा, प्रशस्‍ति पत्र ग्‍यारहा हजार रिपिया अर राजस्‍थानी साहित्‍य सूं सम्‍मानित करया जावेला। नेम प्रकासन रै कांनी सूं च्यार नूंवां पुरस्‍कार सम्‍मान इण साल सरू करण री घोषणा रै पछे इण साल सूं राजस्थानी भासा री तेरह विधावां मांय सम्मान देवणियो नेम प्रकासन देस रौ एकलो संस्थान हुयग्यौ।
संस्थान रा पवन पहाड़िया बताया क इण पुरस्कारां में नेमीचन्‍द पहाडिया पद्य पुरस्‍कार, अमराव देवी पहाडिया गद्य पुरस्‍कार्, कमला देवी पहाडि़या उपन्‍यास पुरस्‍कार , सिरदाराराम मौर्य बाल साहित्‍य पुरस्‍कार ,चम्पा देवी सबलावत कहाणी पुरस्‍कार ,भंवरलाल सबलावत व्‍यग्‍ंय पुरस्‍कार , मोहनदान गाड़ण राजस्‍थानी भक्ति काव्य पुरस्कार,साेहनदान सिंहढायच राजस्‍थानी डिंगल परम्परा पुरस्‍कार अर जुगलकिशोर जेथलिया राजस्‍थानी भाषा सेवा पुरस्कार, छगन लाल बेताला स्मृति राजस्थानी युवा पुरस्कार,श्रीमती मैना देवी पांडया स्मृति राजस्थानी लेखिका पुरस्कार,पारसमल पांडया स्मृति राजस्थानी साहित्य पुरस्कार, चंडीदान देवकरणोत अखावत स्मृति राजस्थानी अनुवाद पुरस्कार दिया जावैला।
पुरस्कारां री निर्णायक कमेटी रा संयोजक लक्ष्‍मणदान कविया बताया क आवेदक 2008 सूं 2017 तांई छपयोड़ी आप री पोथी री च्यार पड़तां 20 नवम्बर 2018 सूं पेलां नेम प्रकासण रै ठिकाणा माथै भेजे। निर्णायक पंचां रा चुनयोड़ा लिखारां ने गांव डेह रा कुंजल माता मंदिर परिसर मांय अदितवार 3 फरवरी 2019 ने हुवण वाळा राजस्थानी साहित्य सम्मान समारोह मांय सम्मान दिया जावैला। इण समारोह मांय राजस्थानी भासा री पोथ्यां रौ विमोचन भी करयौ जावैला।

No comments:

Post a comment