Thursday, 20 September 2018

जय जय राजस्थानी राजस्थानी समाचार

राजस्थानी विभाग री बीकानेर मांय थरपणा उच्छब

महाराजा गंगासिंह विश्वविद्यालय बीकानेर में राजस्थानी भासा विभाग रौ उदघाटन महर्षि वशिष्ठ भवन सभागार मांय शनिवार 22 सितम्बर ने दिनूंगै 11 बज्यां हुवणों तेवडय़ौ। उदघाटन उच्छब ' मायड़भासा री ओळखाण '   में बडेरचारो मानीता कुलपति प्रो. भागीरथ सिंह करैला। उच्छब रा सिरे मिजमान राजस्थान भाषा परामर्श मण्डलसाहित्य अकादमी नई दिल् ली रा संयोजक मधु आचार्य हुवैला। उच्छब मांय खास पांवणा राजस्थानी साहित्यकार डॉ. मंगत बादल अर समाज विज्ञान संकाय रा अधिष्ठाता प्रो. नारायण सिंह राव हुवैला। राजस्थानी विभाग री डॉ. मेघना शर्मा स्वागत करैला। राजस्थानी विभाग रै कांनी सूं मायड़ भासा रा उच्छब में पधारण सारू नूंतो भेज्यो।
मायड़ भासा रा हेताळुवां सूं राजस्थानी सौरम री अरज है क इण उच्छब रै बारे में लोगां ने जाणकारी कराओ अर राजस्थानी विभाग खोलावण में आगीवाण रहवण वाळा लोगां ने धन्यवाद आभार ज्ञापित करावौ।

No comments:

Post a comment