Wednesday, 8 August 2018

राजस्थानी पोथी प्रोत्साहन योजना

राजस्थानी लिखारां सारू सन्देस

राजस्थानी भासा री चावी अर ठावी पोथ्यां री खरीद सारू सूची बणाई जावैला। राजस्थानी सौरम इण सूची सूं सामाजिक अर शिक्षण संस्थान सूं पोथी खरीद योजना करैला। इण सूं स्थपित लिखारां रै सागे नूवां लेखकां ने प्रोत्साहन दियो जावेला। राजस्थानी भासा री मानता सारू भी आ चोखी सरूआत हुय सके। इण में आप रौ सेयोग जरूरी है। इण सारू आपरा सुझाव मिलेला तो सोने में सुहागो हुवेला। लिखारां सूं अरज है क आपरी छपयोड़ी पोथी री नीचे लिखयां मुजब जाणकारी वाट्सप नम्बर 9413365577 पर भेजो।
1 पोथी फोगट में बांटण वाळा जाणकारी नीं भेजे। पोथी रौ कम सूं कम मोल हुवणो जरूरी है।
2 स्मारिका, स्मृति ग्रन्थ, प्रशस्ति पोथी अर कविता री पोथ्यां री जाणकारी नीं भेजे।
3 पोथी रौ नांव, छपण रौ साल, पोथी रा पाना, मोल लिखर भेजो।
4 आपरा वाट्सप नम्बरा पर सगळी जाणकारी भेजो।

आप राजस्थानी रा हेताळू हो तो मायड़ भासा री पोथ्यां छपावण, बंचावण अर मोल बिकावण मांय सेयोग करो।

अरजवन्त ........बाबूलाल टाक, राजस्थानी सौरम

No comments:

Post a comment