Saturday, 23 June 2018

जै जै राजस्थानी

साहित्य सम्मान सारू सांखला, जोशी अर जाखड़ ने बधाई

केन्द्रीय साहित्य अकादमी नई दिल् ली रै कांनी सूं गुवाहाटी मांय भारतीय भासा रा साहित्य पुरस्कारां री घोषणा शुक्रवार ने करीजी। कोटा रा सी.एल. सांखला ने साहित्य अकादमी नई दिल्ली रै बाल साहित्य पुरस्कार (राजस्थानी) अर हनुमान गढ़ रा दुष्यंत जोशी ने युवा पुरस्कार (राजस्थानी) देवण री घोषणा करीजी। इण खातर घणी घणी बधाई अर मंगळ कामनावां।
इण रै सागे केन्द्रीय साहित्य अकादमी नई दिल् ली रै कांनी सूं गुवाहाटी रा जिला लाइबरेरी ऑडिटोरियम मांय शुक्रवार ने चूरू री साहितकार डॉ. कृष्णा जाखड़ ने बांग्ला लेखक देबेश रॉय रा उपन्यास रौ राजस्थानी उथलो 'गाथा तिस्ता पार री' माथै राजस्थानी भासा रौ अनुवाद पुरस्कार दियौ गयौ। साहित्य समारोह मांय उणा ने पुरस्कार सरूप ५० हजार रिपिया रौ चैक अर ताम्बा रौ सम्मान फलक दियौ गयौ। राजस्थानी सौरम रै कांनी सूं राजस्थानी रौ मान बधावण वाळा तीनूं लेखकां ने घणै मान बधाई। 

No comments:

Post a comment