Friday, 2 February 2018

राजस्थानी समाचार

मायड़ भासा पोथी विमोचन अर साहित सनमान 4 ने
नागौर मायड़ भासा रा हेताळुवां खातर नागौर जिले रा डेह गांव में नेम प्रकासण अर राजस्थानी भासा संघर्स समिति री भेळप मे
9 साहितकारां लिखारां रौ सनमान अर 8 पोथ्यां रौ विमोचन सिरै पावणा करैला।डेह गांव रा पवन पहाडिय़ा अर खैण गांव रा लक्ष्मणदान कविया रै कांनी सूं 4 फरवरी अदीतवार ने डेह गांव रा कुंजल माता मंदिर परिसर में दौपारां सवा बारह बज्यां सूं साहितकारां रौ सनमान, पोथ्यां रौ विमोचन अर साहितकारां रौ मार्गदरसण मिलेला।
इण टाणे साहितकार जहूरखां मेहर, भंवर सिंह सामोर, मनोहर सिंह राठौड़ नारायण सिंह पीथळ, झालावाड़ जिला कलक्टर डॉ. जितेन्द्र सोनी, पूर्व जिला प्रमुख बिन्दू चौधरी, राजस्थानी भासा साहित्य अकादमी रा पूर्व अध्यक्ष पृथ्वीराज रतनूं, रोडवेज नागौर रा मुख्य प्रबंधक गणेश शर्मा, राजस्थान पत्रिका रा सम्पादकीय प्रभारी रूद्रेश शर्मा, डेह सरपंच सुमन कंवर उदावत अर पंचायत समिति सदस्य सन्तोष दन्तुसलिया री मिजमानी में हुवण वाळा कार्यक्रम में राजस्थान धरोहर संरक्षण अर प्रोन्नति प्राधिकरण रा अध्यक्ष औंकारसिंह लखावत सिरे पावणां हुवैला। डॉ. गजादान चारण संचालन करैला।

No comments:

Post a comment