राजस्थानी भाषा रा नौ पुरस्कारां री घोषणा
नेम प्रकासण डेह जिला नागौर राजस्थान रा राजस्थानी भासा पुरस्कार सम्मान री घोषणा करता निर्णायक कमेटी रा संयोजक लक्ष्मणदान कविया बतायो क श्री मुकुट मणिराज कोटा री पोथी बोलो कठी जावां ने नेमीचन्द पहाडिया पद्य पुरस्कार, डॉ चेतन स्वामी श्री डूंगरगढ़ री पोथी निरख परख ने अमराव देवी पहाडिया गद्य पुरस्कार ,डॉ भरत ओळा नोहऱ री पोथी घुुळगांठ ने कमला देवी पहाडि़या उपन्यास पुरस्कार , अब्दुल समद राही री पोथी रमतिया बणावां ने सिरदाराराम मौर्य बाल साहित्य पुरस्कार , किरण राजपुरोहित नितिला री पोथी कांठळ ने चम्पा देवी सबलावत कहाणी पुरस्कार , देवकिशन राजपुरोहित चम्पाखेड़ी री पोथी निवण ने भंवरलाल सबलावत व्यग्ंय पुरस्कार , नरपत आंवड़दान आसिया री पोथी वैतालिक मेहाई सतसई ने मोहनदान गाड़ण राजस्थानी भक्ति काव्य पुरस्कार , डूंगरदान आसिया बाळाउ़ री पोथी लोक भावना री ललक ने साेहनदान सिंहढायच राजस्थानी डिंगल पुरस्कार अर सूरतगढ़ रा मनोज स्वामी ने जुगलकिशोर जेथलिया राजस्थानी भाषा सेवा सम्मान 2017 दीयो जावेला।
आयोजक पवन पहाडि़या बतायो क निर्णायक समिति में पद़मश्री सी पी देवल अजमेर , डॉ आईदानसिंह भाटी जोधपुर , डॉ गजादान चारण व्याख्याता बांगड कॉलेज डीडवाना हा। राजस्थानी सम्मान 4 फरवरी 2018 रविवार ने ग्राम डेह नागौर रा कुंजल माता मन्दिर परिसर में साफो ,शॉल ,श्रीफल ,माळा, प्रशस्ति पत्र ग्यारहा हजार रिपिया अर राजस्थानी साहित्य सूं सम्मानित करया जावेला।
No comments:
Post a comment