Monday, 27 November 2017

नागौर सूं राजस्थानी री नौ विधावां में साहित पुरस्कार

नागौर सूं राजस्थानी री नौ विधावां में साहित पुरस्कार 
 नागौर। राजस्थानी साहित्यकारां ने नागौर जिले रै डेह गांव में आवण रौ नुंतो देवण वास्ते राजस्थानी री विविध विधावां में एके सागे नौ पुरस्कार जिले रै गांव डेह रा नेम प्रकासण अर दूजा सहयोगियां कांनी सूं दिया जावेला। नेम प्रकाशन रा पवन पहाड़िया राजस्थानी सौरम ने बतायो क राजस्थानी भासा, साहित्य, संस्कृति अर परम्परा ने पोखित करण वाळा साहितकारां ने नौ राजस्थानी विधावां में एक सागे पुरस्कार दिया जावेला। रचनाकार आपरी प्रविष्टियां 30 नवम्बर 2017 तांई छपयोड़ी पोथी री चार पड़तां
जमा करा सकेला। पुरस्कार सम्मान में ग्यारह-ग्यारह हजार रुपया नगद, शाॅल , श्रीफल , प्रशस्ति पत्र अर राजस्थानी साहित्य दियो जावेला।
पुरस्कारां में नेमीचंद पहाड़िया स्मृति राजस्थानी पद्य पुरस्कार, अमराव देवी पहाड़िया स्मृति राजस्थानी गद्य पुरस्कार नेम प्रकासण डेह, भंवरलाल सबलावत स्मृति राजस्थानी व्यग्य पुरस्कार,चम्पा देवी सबलावत स्मृति राजस्थानी कहाणी पुरस्कार फूलचंद सबलावत कोलकाता निवासी, कमला देवी पहाड़िया स्मृति राजस्थानी उपन्यास पुरस्कार नागौर रा महेन्द्र पहाड़िया, श्री मोहनदान गाडण स्मृति राजस्थानी भक्ति काव्य पुरस्कार  सेवानिवृत पुलिस उपअधीक्षक सङू निवासी सुखदेव सिंह गाडण, सोहनदान सिंहढायच स्मृति राजस्थानी डिंगल परम्परा पुरस्कार जेके चारण अधिशासी अभियन्ता नागौर, सिरदाराराम मौर्य स्मृति राजस्थानी बाल साहित्य पुरस्कार सेवानिवृत भू -अभिलेख निरिक्षक  जालाराम मौर्य डेह नागौर, जुगल किशोर जेथलिया स्मृति राजस्थानी भाषा सेवा पुरस्कार सवाळख प्रकासण खेण नागौर रै लक्ष्मणदान कविया रा सोजन्य सूं दिया जावेला। इण बारे में ज्यादा जाणकारी पवन पहाड़िया सूं लेय सको। सम्मान समारोह 4 फरवरी 2018 ने  कुंजल माता मन्दिर  परिसर राष्ट्रीय राजमार्ग 65 डेह (नागौर) में दिया जावेला।

1 comment: