परम्परा

काति सिनान नेम सूं काम करण रौ सन्देसो

सरद पुनयू री रात ने इमरत बरस्यो अर खीर रौ परसाद जिमयां पछे तड़के ही एकम स्यूं काति सिनान सरु हुय ग्यो। दादी नानी झांझरके ही तारां तारां सिनान कर मिन्दर जावन्ति अर पूजा करती। बडेरा रां री चलायोड़ी रीत में केई विज्ञान सम्मत बातां नूवां जमाना रा  टाबरां री समझ में कोनी आवे जका आधी रात तंहि सुता रहवे अर दिनुगे मोड़ा जागे। एक महीनो काति सिनान अर पांच दिन पंच तीरथयां रा सिनान करण री आदत बण जावे । सूरज उग्यां पेलां ही सिनान ध्यान कर त्यार हुय जावै अर दिन भर आपरा काम कर सके। टेमसर काम करण री आदत बण जावै तो साल भर इण रै अनुसार पालना कर सके।