समचार

राजस्थानी छात्र मोर्चा री बैठक,करैला मानता रौ आंदोलन तेज

नागौर. मायड़ भाषा राजस्थानी छात्र मोर्चा राजस्थान री प्रदेश  कोर कमेटी री बैठक जोधपुर में डॉ.सुखदेव राव री अध्यक्षता में हुई। राजस्थानी छात्र मोर्चा री कार्यकारिणी विस्तार करता जैपर जिला संयोजक धर्मेंद्र गौड़ अर बाड़मेर जिला संयोजक रणवीर सिंह आराबा ने  बणाया । जोधपुर री तिंवरी तहसील रा मथानिया गांव रा भीखाराम सिद्ध तिवरी तहसील संयोजक बणाया। राजस्थानी छात्र मोर्चा राजस्थान कोर कमेटी डॉ. गजेसिंह राजपुरोहित पूर्व विभागाध्यक्ष राजस्थानी विभाग जेएनयूवी जोधपुर,डॉ. उमेद सिंह सेतरावा,डॉ.अशोक गहलोत पूर्व प्रदेशाध्यक्ष ,गौतम अरोड़ा पूर्व प्रदेश महामंत्री, डॉ. गौरीशंकर निमिवाळ प्रदेश संयोजक डॉ.राम रतन लटियाल प्रदेश अध्यक्ष ,कप्तान बोरावड प्रदेश महामंत्री ने राजस्थानी भाषा आंदोलन तेज करण वास्ते संगठन विस्तार कर नई टीम बणावैला।जोबनेर रा श्री अर्पण सेवा संस्थान राजस्थान रा प्रदेश अध्यक्ष धर्मेंद्र गौड़  छात्र मोर्चा रा जयपुर जिला संयोजक बणाया गया ।