Tuesday, 22 August 2017

राजस्थानी समंचार

राजस्थानी राख्यां, रेसी राजस्थान

मायड़भासा राजस्थानी छात्र मोर्चा, राजस्थान री मायड़ भासा हेताळूवां सूं अरज आप तांहि पुगती करुं, आप ध्यान दिरावोला।
राजस्थानी भासा हेताळुवां सूं अरज है क आवंति  25 अगस्त ने 14 बरस हुय जावेला जद साल 2003 रा ही 25 अगस्त ने राजस्थान विधानसभा सूं राजस्थानी भासा री मानता रो संकल्प प्रस्ताव पास कर'र केंद्र सरकार ने भेजयो हो। इन 25 अगस्त 2017 ने 14 साल पछे अब तो हुंकार भरो अर एक हुय'र् राज ने चेताओ के मानता नीं दियां तो पार कोनी पड़सी। छात्र  मोर्चा रो आह्वान मायड़ भासा रा हेताळूवां सूं है कि इण दिन संकल्प दिवस रे रूप में सगळी ठोड़ कोई न कोई कार्यक्रम हुवणो चाहिजै।
इण सारू उपखंड अधिकारी ने ग्यापन मुख्यमंत्री, प्रधानमंत्री रे नाम, विचार गोष्ठी, धरना-परदरसन,रैली, आद कोई भी आयोजन राजस्थानी भासा रे नाम माथे होवणो चाइजै।
जै जै राजस्थानी....
हेताळू
बाबूलाल टाक

2 comments:

  1. जका मिनखां की भाषा ने ही मान्यता नही मिले बां नें खुद ने मान सम्मान भी कोनी मिल सके लो
    इं वास्ते बाबू लाल जी टाक की बात में पुरो दम है
    सब राजस्थानी भाइयां हूं विनती है कि आप आप के इलाका के जन प्रतिनिधियाँ MLA/MP सूं इं बात को अनुरोध करे कि विधान सभा और संसद में ईं बात ने पूरा जोर ऊं उठावता रहवे ताकि सरकार मजबूर हूर मान्यता दे देवे,इमें तो सरकार ने घणो जोर ही कोनी आवे और न बजट आडो आवे

    ReplyDelete
  2. बात तो घणी माड़ी है पण MLA/MP रै भरोसे तो सौ साल ई कीं नीं व्‍हैणो है आप मरयां बिना जुग परलै कदै ई हुवै । च्‍यार बरस व्‍हैग्‍या सरकार नै जै राजस्‍थानी भासा साहित्‍य अर संस्‍क़ती अकादमी जै बाल करी व्‍है तो । मायड़ भासा खातर अै पच्‍चीसूं ई संसद मांय कदै ई बोले ?

    ReplyDelete